Заев во Софија на конференција посветена на регионалната интеграција на Балканот

Zaev Sofija 4

Премиерот Зоран Заев, заедно со вицепремиерот за економски прашања Кочо Анѓушев и со министрите за финансии и за транспорт и врски, Драган Тевдовски и Горан Сугарески, денеска во Софија ќе учествува на меѓународната конференција „Посилна регионална интеграција на Балканот“, во организација на Светска банка.

Фокусот на конференцијата, што ќе ја отворат бугарскиот премиер, Бојко Борисов, и главната извршна директорка на Светската банка, Кристалина Георгиева, ќе биде на регионалната соработка и на динамиката на процесот на интеграција на земјите од Западен Балкан во Европската Унија, унапредувањето на сообраќајната инфраструктура во регионот, интензивирање на трговијата, како и на регионални ИТ и технолошки кластери за отворање перспективи за приватниот сектор.

На конференцијата во Софија ќе учествуваат и премиерите на Србија и на Албанија, Ана Брнабиќ и Еди Рама, претседателите на Црна Гора и на Косово, Филип Вујановиќ и Хашим Тачи, вицепремиерот и министер за трговија на БИХ, Мирко Шаровиќ, како и еврокомесарот за проширување и соседска политика, Јоханес Хан.

Колумна на денот

Коѕиас

Согласно на стиховите на Василис Цицанис, Солун е град, кој секогаш во своите широки прегратки ги чува оние, кои се проникнуваат со миразот на убавината […]

Интервју на неделата

Горан Трајковски: Македонија е зафатена од чумата на Новиот Вавилон

Тој е можеби еден од најдлабоките, најмистериозните и истовремено наједноставните луѓе во нашава државичка и пошироко. Тивок, начитан, паметен и уметник со голема театралност. Неодамна […]