Во Кривичниот суд нови рочишта за насилството во Центар и за „Тотал“

Krivicen-sud-860x680

Во Кривичниот суд денеска ќе се одржат рочишта за два предмети на Специјалното јавно обвинителство, за случајот со насилството пред Општина Центар во 2013 година, познат како „Шамари“, како и за предметот „Тотал“.

Дванаесет лица се обвинети за поттикнување насилството во Општина Центар за време на протестите од јуни 2013 година. Меѓу обвинетите се и лидерот на ВМРО-ДПМНЕ, Никола Груевски, поранешниот министер за транспорт и врски, Миле Јанакиески, и пратеничката на ВМРО-ДПМНЕ, Даниела Рангелова.

На денешното рочиште ќе сведочи поранешниот градоначалник на Општина Центар, Андреј Жерновски.

На претходните рочишта за насилството во Центар, вината за настаните пред општина Центар во јуни 2013 година, ја признаа четвртообвинетиот Томислав Лазаров и петтообвинетиот Јордан Ристевски.

Апелацискиот суд претходно ја прифати жалбата на СЈО и дозволи „бомбите“ да се користат како доказен материјал.

Во случајот „Тотал“, новинарот Драган Павловиќ – Латас се товари дека во периодот од 2008 до 2015 година извршил даночно затајување преку неговите фирми „Тотал маркетинг“ ДООЕЛ Скопје, „Медиамакс“ и „Тотал медиа центар“ ДООЕЛ Скопје. Судијката го одложи претходното рочиште бидејќи не беа одредени законски застапници за фирмите „Тотал маркетинг“ и „Медиамакс“.

Колумна на денот

Коѕиас

Согласно на стиховите на Василис Цицанис, Солун е град, кој секогаш во своите широки прегратки ги чува оние, кои се проникнуваат со миразот на убавината […]

Интервју на неделата

Горан Трајковски: Македонија е зафатена од чумата на Новиот Вавилон

Тој е можеби еден од најдлабоките, најмистериозните и истовремено наједноставните луѓе во нашава државичка и пошироко. Тивок, начитан, паметен и уметник со голема театралност. Неодамна […]