Инцидент во Собранието: Пратениците од ВМРО-ДПМНЕ го обиколија Џафери

Координаторот на една од десетте пратенички групи на ВМРО-ДПМНЕ Илија Димовски побара пауза, но претседателот на собранието Талат Џафери го одби неговото барање, по што десетина опозициски пратеници излегоа и ја блокираа говорницата за време на расправата за предлог-законот за употреба на јазиците, пишува СДК.

„Го кршите Деловникот, го кршите Уставот и го кршите Охридскиот рамковен договор“, го обвини Димовски Џафери.

„Под овие услови не ви давам пауза, седнете си на местата“, му одговори Џафери.

Откако успеа да ги убеди пратениците на ВМРО-ДПМНЕ да се вратат на своите места, Џафери кажа дека под закана на сила и под уцена, Собранието нема да носи одлуки.
„Иако е дискутабилно, бидејќи не побаравте пауза за време на трите минути процедурално, давам еден час пауза“, му кажа Џафери на Димовски.

Седницата треба да продолжи во 14.40 часот.

За време на паузата, Илија Димовски на прес-конференција кажа дека неговата партија ќе ги искористи сите законски, уставни и деловнички можности да го спречи донесувањето на Законот за јазиците, бидејќи, како што кажа пратеникот на ВМРО-ДПМНЕ, тој нема да донесе ништо квалитетно, туку само двојазична федерализација.

Колумна на денот

Доказот!

Веќе четврти или петти пат од устите на специјалните јавни обвинителки Катица Јанева и Ленче Ристовска слушаме дека „СЈО обезбеди доказ дека снимките од нелегалното […]

Интервју на неделата

Be the first to comment

Leave a Reply

Your email address will not be published.


*